ახალქალაქში წყალმომარაგების კომპანიის უფროსი დააკავეს

1224

ფინანსთა სამინისტროს საგამოძიებო ჯგუფმა, ახალქალაქში წყალმომარაგების კომპანიის უფროსი ვარდ მოსოიანი დააკავა. ინფორმაციას imedinews.ge ავრცელებს.

საქართველოს გაერთიანებული წყალმომარაგების კომპანიის ახალქალაქის ფილიალის უფროსს ვარდ მოსოიანს ბრალი სისხლის სამართლის კოდექსის 182–ე მუხლით ედება, რაც მითვისება–გაფლანგვას გულისხმობს.  ინფორმაციას “სამხრეთის კარიბჭე” ავრცელებს.

საქმე 2014 წელს ახალქალაქის მუნიციპალიტეტის გამგეობის მიერ სასმელი წყლის სისტემის რეაბილიტაციის შესახებ გამოცხადებულ ტენდერს ეხება, რომელიც ვარდმოსოიანის ცოლის ერანუჰ ალექსანიანის სახელზე რეგისტრირებულმა შპს „ვემ–მა“ მოიგო.

75 ათას ლარში კომპანიამ ოკამში, ხოსპიოშივაჩინაში და გოგაშენში სასმელი წყლის სისტემის სარეაბილიტაციო სამუშაოები შეასრულა. სამუშაოები კი შპს „ვემ–მა“ახალქალაქის წყალმომარაგების კომპანიის ტექნიკით და თანამსრომლებით განახორციელა.

პროკურატურამ ბრალი მოსოიანს გუშინ, 21 თებერვალს გვიან საღამოს წარუდგინა. „წარდგენილ ბრალს ნაწილობრივ აღიარებს“, – აცხადებს მოსოიანის ადვოკატი ირაკლი ბარძიმაძე.