ქუთაისის ბოტანიკური ბაღი საქართველოს ეროვნული ბოტანიკური ბაღების გაერთიანების წევრი აღარ არის.
გადაწყვეტილების მიზეზი ქუთაისის ბოტანიკური ბაღის ააიპის გაუქმება და მისი ააიპ “კულტურულ დაწესებულებასთან” შეერთება გახდა. ინფორმაციას kutaisipost-ი ავრცელებს.
მიღებული გადაწყვეტილების შედეგად მოსალოდნელ საფრთხეებზე საუბრობს საქართველოს ეროვნული ბოტანიკური ბაღების დირექტორი თამაზ დარჩიძე.
ამის შესახებ მან სოციალურ ქსელის საკუთარ გვერდზე ისაუბრა. “განცვიფრებული ვარ იმ გადაწყეტილებით, რომელიც მიღებული იქნა ჩვენს პარტნიორ ორგანიზაციასთან – ქუთაისის ბოტანიკურ ბაღთან დაკავშირებით, რაც ამ ძველ სამეცნიერო დაწესებულებას პრაქტიკულად აუქმებს და მას ბაღის საქმიანობასთან სრულიად შეუსაბამო მუნიციპალური ორგანიზაციის ერთ-ერთ ფილიალად აქცევს. ქუთაისის ბოტანიკური ბაღის, როგორც დამოუკიდებელი ორგანიზაციის გაუქმება და ააიპ კულტურულ, სახელოვნებო და საგანმანათლებლო დაწესებულებათა გაერთიანებასთან მისი შერწყმა, რბილად რომ ვთქვა, შინაარსს უკარგავს ბოტანიკურ ბაღს, როგორც მცენარეთა მრავალფეროვნების კვლევის, მცენარეთა კოლექციების შექმნის, კონსერვაციისა და ეკოლოგიური განათლების მნიშნელოვან ბაზას”, – ამბობს საქართველოს ეროვნული ბოტანიკური ბაღის დირექტორი, თამაზ დარჩიძე.
თამაზ დარჩიძის თქმით, იქედან გამომდინარე რომ ქუთაისის ბოტანიკური ბაღი ვეღარ იარსებობს, როგორც დამოუკიდებელი ორგანიზაცია ის მონაწილებას ვერ მიიღებს სხვადასხვა კონფერენციებსა და შეხვედრებში. სადაც ერთობლივი მსჯელობა ხდებოდა მცენარების კოლექციების გამრავლეფოროვნებაზე, მოვლა-პარტონობაზე და ასე შემდეგ.
მისი თქმით, ქუთაისის ბოტანიკურ ბაღთან დაკავშირებით მიღებული გადაწყვეტილებები საფრთხეს უქმნის ბოტანიკური ბაღის ძირითადი შინაარსისა და ფუნქციის შენარჩუნებას. ის გვიყვება, რომ ქუთაისის მერიიდან მისთვის ბოტანიკური ბაღის რეორგანიზაციის ან ააიპის დაშლის შესახებ კონსულტაციები არავის გაუვლია.
“სამწუხაროდ, არავინ დამკავშირებია, თუ რა გეგმები აქვთ და რისი განხორციელბა იგეგმება, რამდენად არის ეს ხელისშემშლელი თავად ბოტანიკური ბაღისთვის” – ამბობს თამაზ დარჩია.
ქუთაისის მერი გიორგი ჭიღვარია ირწმუენება, რომ ქუთაისი ბოტანიკურ ბაღში მიმდინარე პროცესები ზიანის მომტანი არ იქნება.
“ეს გადაწყვეტილება არ იქნება ბოტანიკური ბაღისთვის უკან გადადგმული ნაბიჯი. ბოტანიკური ბაღი განვითარდება და მის ფუნქციონირებას პრობლემები არ შეექმნება,” – ამბობს გიორგი ჭიღვარიამ.
