„საქართველოს ახალგაზრდა იურისტთა ასოციაციამ“, ფონდის – „ღია საზოგადოება – საქართველო“ მხარდაჭერით, 7 თვითმმართველი ქალაქის გაუქმებასთან დაკავშირებით, კვლევა – „რეფორმა თვითმმართველობის სახელით, თვითმმართველობის წინააღმდეგ“ გამოაქვეყნა.
კვლევაში წარმოდგენილი იყო 7 თვითმმართველი ქალაქისთვის (ზუგდიდი, ოზურგეთი, ამბროლაური, გორი, ახალციხე, მცხეთა და თელავი) თვითმმართველი ერთეულის სტატუსის ჩამორთმევასთან დაკავშირებული პროცესების სამართლებრივი ანალიზი, დასკვნები და რეკომენდაციები.
