ქუთაისში მერიის შენობაში არსებული მედიაცენტრის გაქურდვის საქმეზე ერთი პირი დააკავეს. სამართალდამცავების ინფორმაციით, ნივთმტკიცებად სრულად ამოღებულია ნაქურდალი ტექნიკა.
შინაგან საქმეთა სამინისტრომ გამოძიება ქურდობის ფაქტზე სისხლის სამართლის კოდექსის 177-ე მუხლით დაიწყო.
შემთხვევა დღეს დილით მოხდა.
„მთავარი არხის“ ინფორმაციით, წაღებული იყო „მთავარი არხის“ იმერეთის კორესპონდენტის ლეპტოპი და „ტვ პირველის“ კუთვნილი კამერა.
