ქუთაისის ცენტრალურ მოედანზე მდებარე მუზეუმის ნაცვლად, რეკრეაციული ინფრასტრუქტურის – მულტიფუნქციური საგამოფენო სივრცის მოწყობისათვის 4 999 227ლარი დაიხარჯება. სამუშაოების წარმოებისათვის ქალაქის მერიამ ტენდერი NAT220012810 გამოაცხადა. ამის შესახებ ნიუპრესი წერს.
ტენდერის პირობების თანახმად, სამუშაოს შესრულების ვადა 2023 წლის 15 თებერვალის ჩათვლით განისაზღვრა.
ამასთან, საბოლოო მიღება-ჩაბარების აქტის გაფორმებიდან 3 წლის განმავლობაში ექსპლუატაციის პროცესში რაიმე წუნის აღმოჩენის შემთხვევაში შემსრულებელი კომპანია ვალდებული იქნება წარმოქმნილი დეფექტი საკუთარი ხარჯებით გამოასწოროს.
ყოფილი მუზეუმის შენობის განახლება რეგიონების ინტეგრირებული განვითარების პროგრამის ფარგლებში განხორციელდება.
