კოდას საკურორტო ზონის ტურისტული განვითარებისთვის ტენდერი გამოცხადდა

467

საგარეჯოს მუნიციპალიტეტის მერიამ კოდას საკურორტო ზონის ტურისტული განვითარებისა და ბიზნესის ხელშემწყობი ინფრასტრუქტურის მოწყობისთვის, სამშენებლო სამუშაოების შესყიდვაზე ტენდერი გამოაცხადა.

“პროექტის სტრატეგიული მიზანია საგარეჯოს მუნიციპალიტეტში ტურისტული შეთავაზების გაუმჯობესება და ვიზიტორთა რაოდენობის ზრდა და ამის საფუძველზე ადგილობრივი ბიზნესის სტიმულირება. კონკრეტული მიზანია, კოდას ტურისტული ხელმისაწვდომობის გაზრდა შესაბამისი ინფრასტრუქტურის მოწყობით.

პროექტის საპროექტო-სახარჯთაღრიცხვო დოკუმენტაციით განსაზღვრული ღირებულება 1 223 671 ლარია, რომელიც საპილოტე რეგიონების ინტეგრირებული განვითარების პროგრამის ფარგლებში და ადგილობრივი თვითმმართველობის ბიუჯეტის თანადაფინანსებით ხორციელდება”, – განმარტავენ მერიაში.