საახალწლო ღონისძიებებისთვის ხულოს მერია 12 ათას ლარს დახარჯავს. ამ თანხით თვითმმართველობა ცენტრალური ნაძვის ხის სათამაშოების შეცვლას და რამდენიმე ქუჩის მორთვას გეგმავს. ინფორმაციას აჭარის ტელევიზია ავრცელებს.
კულტურული ღონისძიებების ორგანიზება ტენდერში გამარჯვებულმა კომპანიამ 17 დეკემბრამდე უნდა დაასრულოს.
ამასთან, ცნობილია, რომ ღონისძიება ადგილობრივი ვოკალური და ქორეოგრაფიული ანსამბლების მონაწილეობით გაიმართება. გარდა ამისა, საახალწლო ნობათს მიიღებენ საბავშვო ბაღების აღსაზრდელები.
