ქედის მერია „ძველი სახლის ახლით შეცვლის“ პროგრამის ფარგლებში ოთხ საცხოვრებელს აშენებს. ინფორმაციას აჭარის ტელევიზია ავრცელებს.
მერიაში საცხოვრებლის მოთხოვნით 30-მდე განცხადება იყო შესული, რომელიც სპეციალურმა კომისიამ შეისწავლა.
პროგრამის ძირითადი კრიტერიუმი სიძველით დაზიანებული სახლი და ოჯახის ფინანსური მდგომარეობაა.
სამუშაოები დეკემბრის 15 რიცხვისთვის უნდა დასრულდეს. პროგრამის ბიუჯეტი 150 760 ლარია.
