მიხეილ სააკაშვილი გადმოიყვანეს რუსთავის მე-12 დაწესებულებიდან. ის აპროტესტებს გლდანის მე-18 დაწესებულებაში ყოფნას. გადმოყვანილი იქნა ავტომანქანით. მისი ინფორმაციით, ტრანსპორტირება მოხდა ავტომობილით, სასწრაფოს მანქანით, – ამის შესახებ სახალხო დამცველის წარმომადგენელმა მას შემდეგ განაცხადა, რაც გლდანის ციხის საავადმყოფოში იმყოფებოდა.
მისი თქმით, სააკაშვილს არ სურდა ნომერ მე-18 დაწესებულებაში გადასვლა.
ამასთან, კითხვაზე, ესმის თუ არა მიხეილ სააკაშვილს პატიმრების ხმა, სახალხო დამცველის წარმომადგენელი აცხადებს, რომ „დაწესებულებაში პატიმრების ხმები ისმის“.
„ამ წუთებში იმყოფება პალატაში მუდმივი დაკვირვების ქვეშ, იზოლირებულია, მის პერიმეტრზე არ არიან პატიმრები. მან პროტესტის ნიშნად უარი განაცხადა მანქანიდან გადმოსვლაზე, ის გადმოიყვანეს და შეასახლეს ნომერ მე-18 დაწესებულებაში. ჩვენ ვაწარმოებთ მონიტორინგს მის საქმესთან და მის გადმოყვანასთან დაკავშირებით და სიღრმისეულ ინფორმაციას მოგვიანებით მოგაწვდით. ფიზიკური დაზიანებები მე ვერ შევნიშნე მიხეილ სააკაშვილს ამ ეტაპზე, თუმცა წარმოება მიმდინარეობს, ინფორმაციები გამოთხოვილია. მას არ უნდოდა გადმოსვლა ნომერ მე-18 დაწესებულებაში და ის გადმოიყვანეს მანქანიდან და შეასახლეს ძალის გამოყენებით, ვინაიდან პროტესტის ნიშნად აცხადებდა უარს, არ გადმოდიოდა მანქანიდან, მოკიდეს ხელი და აიყვანეს საკანში. უარს აცხადებს მკურნალობაზე და აგრძელებს შიმშილობას“, – განაცხადა სახალხო დამცველის წარმომადგენელმა.
