რაჭა-ლეჩხუმ სვანეთის მაჟორიტარი დეპუტატის, გოჩა ენუქიძის ინფორმაციით, ამბროლაურის მუნიციპალიტეტის სოფელ კლდისუბანში შიდა საუბნო გზების სარეაბილიტაციო სამუშაოები ინტენსიურ რეჟიმში ხორციელდება. ამის შესახებ ინფორმაციას მაჟორიტარის ბიური ავრცელებს.
მათივე ცნობით, მაჟორიტარმა დეპუტატმა, ამბროლაურის მუნიციპალიტეტის სოფელ კლდისუბანში საუბნო გზების სარეაბილიტაციო სამუშაოები სახელმწიფო რწმუნებულთან, პაპუნა მარგველიძესთან და ამბროლაურის მუნიციპალიტეტის მერთან, ზვიად მხეიძესთან ერთად მოინახულა.
გოჩა ენუქიძის განცხადებით, პროექტის ფარგლებში, რომელიც რეგიონული განვითარების ფონდის დაფინანსებით ხორციელდება, სამუშაოებს კი შპს ,,ამბროლაურის ავტოგზა 10″ ასრულებს.
3 კილომეტრამდე მონაკვეთზე ასფალტის საფარი დაიგება. პროექტი გარდამავალია, სარეაბილიტაციო სამუშაოები მიმდინარე წლის სექტემბერში დაიწყო და სრულად 2022 წლის ივლისში დასრულდება.
“პროექტის ჯამური ღირებულება 1 212 000 ლარს შეადგენს და ადგილობრივი მოსახლეობის კომფორტული და უსაფრთხო ინფრასტრუქტურით გადაადგილებას უზრუნველყოფს” , – განაცხადა გოჩა ენუქიძემ.
