“არ ვარ ბოცა” – იოსებ ხახალეიშვილი “მთავარ არხს” სასამართლოში უჩივის და 55 555 ლარს ითხოვს

212

ქართული ოცნების” ქუთაისის მერობის კანდიდატი “მთავარ არხს” სასამართლოში უჩივის.

იოსებ ხახალეიშვილმა დღეს გამართულ ბრიფინგზე განმარტა, რომ ის სარჩელს ტელევიზიის, მისი დირექტორის და ჟურნალისტ ეკა გაგუას წინააღმდეგ შეიტანს.

ხახალეიშვილის თქმით, საჩივრის მიზეზი ცილისმწამებლური მასალების მომზადება და გავრცელება გახდა.

მმართველი გუნდის მერობის კანდიდატის თქმით, ინფორმაცია მისი სუს-ის აგენტობის შესახებ სიმართლეს არ შეესაბამება.

ხახალეიშვილი მორალური ზიანის კომპენსაციისთვის, სიმბოლურად 55 555 ლარს ითხოვს, რომელიც მისი თქმით, საქველმოქმედო ფონდში გადაირიცხება.