დევნილთა სააგენტო ბათუმში განსახლების მსურველი იძულებით გადაადგილებული ოჯახების განაცხადების მიღებას აგრძელებს. ამის შესახებ ინფორმაციას საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო ავრცელებს.
მათივე ცნობით, ბათუმში, საცხოვრებლით უზრუნველყოფის მოთხოვნით დევნილი ოჯახები განაცხადის გაკეთებას 27 ოქტომბრის ჩათვლით შეძლებენ.
„იძულებით გადაადგილებული ოჯახებს განაცხადის შევსება ქვეყნის მასშტაბით არსებულ ნებისმიერ იუსტიციის სახლში შეუძლიათ. განაცხადები ასევე მიიღება სააგენტოს ტერიტორიულ სამსახურებში შემდეგ მისამართებზე:
- ქუთაისი, ი. აბაშიძისგამზ. N27;
- ზუგდიდი, დ. აღმაშენებლისქ. N106;
- გორი სამების ქუჩა N1;
- რუსთავი, კოსტავას ქ.N20.
ბათუმში ბინის მიღების მოთხოვნით განაცხადის შევსება, აჭარასა და გურიის რეგიონში 2021 წლის 1 სექტემბრამდე რეგისტრირებულ იძულებით გადაადგილებულ ოჯახებს შეუძლიათ.
ახალი განაცხადი უნდა გააკეთონ იმ დევნილმა ოჯახებმაც, რომლებსაც ბათუმში ბინის მიღების მოთხოვნით აპლიკაცია წინა წლებში აქვთ შევსებული“,- აღნიშნულია ინფორმაციაში.
