“მეტი ქალი პოლიტიკაში”, – ეს არის სლოგანი, მესიჯი თუ გზავნილი, რომელმაც გარკვეული პერიოდის განმავლობაში საზოგადოების ნაწილში ერთ-ერთი ყველაზე ცხარე დისკუსია და კამათი გამოიწვია.
“ქალები კაცობრიობის პოტენციური შესაძლებლობებისა და უნარების ნახევარს ფლობენ და გადაწყვეტილებების მიღების პროცესში მათი დაბალი ჩართულობა მთელი საზოგადოების დანაკარგია,” – ეს ითქვა ევროპის პირველ სამიტზე, გადაწყვეტილებების მიღების პროცესში ქალთა ჩართულობასთან დაკავშირებით ათენში, 1992 წელს.
ბოლო წლებია პოლიტიკაში ქალთა მონაწილეობა გააქტიურდა, საარჩევნო სიებშიც პარტიებმა ყოველი მესამე სწორედ ქალი შეიყვანეს. ამ თემაზე სიუჟეტს აჭარის ტელევიზია ავრცელებს.
