ქობულეთის საკრებულოში, წინასწარი მონაცემებით, პროპორციული სიით 3 პარტია იქნება წარმოდგენილი. ინფორმაციას აჭარის მაუწყებელი ავრცელებს.
ესენია: “ქართული ოცნება”, “ნაციონალური მოძრაობა”და “გახარია – საქართველოსთვის“.
ქობულეთის საოლქო-საარჩევნო კომისიის ინფორმაციით:
“ქართულმა ოცნებამ” – 48,26%,
“ერთიანი ნაციონალური მოძრაობამ” – 38,7%,
“გახარია – საქართველოსთვის” – 7,43% მიიღო.
შესაბამისად, “ქართული ოცნება” ქობულეთის საკრებულოში 11 წევრს მაჟორიტარული სისტემით, 13 კი პროპორციულით შეიყვანს.
პირველადი მონაცემებით, “ერთიან ნაციონალურ მოძრაობას” 2 მაჟორიტარი და პროპორციული სისტემით, სავარუდოდ 10 წევრი ეყოლება.
პარტია “გახარია – საქართველოსთვის” კი 2 წევრით იქნება წარმოდგენილი.
ამ დროისთვის, უცნობია რომელ პარტიას დაემატება 1 ხმა, ის ოქმების საბოლოო შედეგების დაზუსტების შემდეგ გადაწყდება.
რაც შეეხება მერობის კანდიდატებს, ხმები ასე გადანაწილდა:
ლევან ზოიძე – 52,20%
ბონდო თედორაძე -39,34%
ირაკლი ბერიძე- 8,46%.
მუნიციპალიტეტში, წელს პირველად, ლოტოტრონის პრინციპით მიმდინარეობს 5 უბნის ხმების დათვლის პროცესი.
ითვლება: მე-3, მე-7, 25-ე, 33-ე და 62-ე საარჩევნო უბნის შედეგები.
მუნიციპალიტეტში სულ, 67 ათას 338 ამომრჩეველია რეგისტრირებული. მათგან არჩევანი 38 ათას 242 ამომრჩეველმა დააფიქსირა.
