ქუთაისში საარჩევნო პროცესი დარღვევების ფონზე მიმდინარეობს. საოლქო კომისიაში უკვე სამი საჩივარია შესული. კომისიის თავმჯდომარის, ლარინა ლალიაშვილის განცხადებით, სამივე მათგანი პროცედურული ხასიათისაა. ამის შესახებ ქუთაისი პოსტი წერს.
საოლქო საარჩევნო კომისიის მონაცემებით, ამ დროისთვის არჩევანი 11 390 მოქალაქემ დააფიქსირა, რაც ამომრჩეველთა საერთო რაოდენობის 7,4%-ია. 2017 წლის თვითმმართველობის არჩევნებზე ეს მონაცემი 5,8 % იყო.
ქუთაისში სულ 153 861 ამომრჩეველია რეგისტრირებული.
