“ნაცმოძრაობა” ატენის სკოლის დირექტორს პედაგოგების დაშინებაში ადანაშაულებს

385

ერთიანი ნაციონალური მოძრაობა ატენის სკოლის დირექტორს, ნინი ონიაშვილის პედაგოგების დაშინებაში ადანაშაულებს. ინფორმაციას რადიო მოზაიკა ავრცელებს.

ოპოზიციის მტკიცებით, დირექტორი პედაგოგებსა და მოსწავლეების მშობლებს მხარდამჭერთა სიების მიტანას სთხოვს და ზეწოლას ახდენს მათზე, რომ არჩევანი მმართველი პარტიის სასარგებლოდ გააკეთონ.

“მოსახლეობისგან მივიღეთ ინფორმაცია, რომ კონკრეტულად ნინო ონიაშვილი პედაგოგებს ავალებს, რომ მიიტანონ თითომ 20-20 ადამიანის მხარდამჭერთა სია. ამასთანავე მოსწავლეების მშობლებზე ახორციელებს ზეწოლას და ყველას ეუბნება, რომ ნანა ლოთიშვილმა არ უნდა მიიღოს ხმები”, – ამბობენ ენმ-ში.

ბრალდებას ატენის სკოლის დირექტორი გამოეხმარა და გავრცელებულ ინფორმციას “სრული სიცრუე” უწოდა.

“სრული სიცრუეა, წარმოდგენა არ მაქვს, რატომ მაბრალებენ მსგავს რამეს, მათ კანდიდატს არც კი ვიცნობ”, – განაცხადა ნინო ონიაშვილმა.