ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი, ეკატერინე ტიკარაძე აცხადებს, რომ უწყება ყველაფერს აკეთებს ეპიდსიტუაციის დასტაბილურებისთვის, რათა შესაძლებელი იყოს როგორც სწავლის საკლასო ოთახებში გაგრძელება, ისე – ეკონომიკური საქმიანობების გააქტიურება.
„რეგიონების მიხედვით, დადებითობის მაჩვენებელი არაერთგვაროვანია, თუმცა, განათლების სამინისტროსთან ერთად, ინტენსიური მუშაობა მიმდინარეობს. თითქმის დარწმუნებულები ვართ, რომ საკლასო ოთახებში სწავლა დათქმული თარიღისთვის დაიწყება“, – აღნიშნა ჯანდაცვის მინისტრმა.
საქართველოს მასშტაბით, სასწავლო პროცესის საკლასო ოთახებში აღდგენა 4 ოქტომბერს იგეგმება.
