კირკიტაძის ინფორმაციით, რუსთავში ენმ-ის მხარდამჭერს სცემეს

220

რუსთავის მერობის კანდიდატის, დავით კირკიტაძის ინფორმაციით, რუსთავში ნაციონალური მოძრაობის მხარდამჭერს სცემეს. ივანე გველესიანი კლინიკაშია გადაყვანილი, მას დაზიანებები სახის არეში აქვს მიყენებული.

როგორც კირკიტაძე ამბობს, გველესიანი რუსთავის მერიის დაქვემდებარებულ ერთ-ერთ ააიპ-ში მუშობდა, თუმცა ის ენმ-ის მხარდაჭერის გამო სამსახურიდან რამდენიმე დღის წინ გამოუშვეს.

“წუხელ გვიან ღამით, საკუთარ სახლთან, ახმეტელის ქუჩაზე ივანე გველესიანი ნიღბიანმა ადამიანმა სცემა. ეს ადამიანი აიძულეს რამდენიმე დღის წინ, რომ დაეწერა განცხადება და წამოსულიყო სამსახურიდან იმის გამო, რომ მან საჯაროდ დააფიქსირა ენმ-ს მხარდაჭერა. ის მუშაობდა რუსთავის მერიის დაქვემდებარებულ ააიპ-ში. მას დაემუქრნენ რამდენიმე დღის წინ და აუსრულეს კიდეც ქართული ოცნების აქტივისტებმა. ეს ადამიანი წევს ახლა საავადმყოფოში, შეიძლება დასჭირდეს სახეზე ოპერაციაც”, – ამბობს კირკიტაძე.

ნაცემი ივანე გველესიანი კლინიკა “რუსთავშია” მოთავსებული, სადაც საინფორმაციო სააგენტო “ინფო რუსთავს” განუცხადეს, რომ მამაკაცი თავის ტვინის შერყევით შეიყვანეს, მას ასვე აღენიშნება დაზიანებები თვალისა და ცვირის არსეში დაზიანებები. ჩაუტარდა სამედიცინო გამოკვლევები და მისი მდგომარეობა ამ დროისთვის სტაბილურად ფასდება.

მომხდარზე შინაგან საქმეთა სამინისტრომ გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულისხმობს.