თაგინურისა და კოკოტაურის მთა საიჩაირის მიმართულებით უფასო ტრანსპორტი იმოძრავებს. ქედის მერიამ მომსახურებისთვის ტენდერი გამოაცხადა და ტრანსპორტირება ორშაბათიდან დაიწყება. ამის შესახებ ინფორმაციას აჭარის მაუწყებელი ავრცელებს.
მთების მიმართულებით სულ 20 მარშრუტი განხორციელდება. მერიის ცნობით, გამოყოფილია ერთი 24 ადგილიანი ავტობუსი და ერთი 16 ადგილიანი მიკროავტობუსი. უფასო მომსახურებით სარგებლობა როგორც ადგილობრივებს ასევე ტურისტებსაც შეუძლიათ. ქედის მერის თქმით, ტრანსპორტირება,ხელს შეუწყობს როგორც სოფლის მეურნეობის ასევე ტურიზმის განვითარებას.
