საქართველოს მთავრობის მიერ 322-ე დადგენილებაში, რომელიც იზოლაციისა და კარანტინის წესებს მოიცავს, შესული ცვლილებების მიხედვით, ბანაკის ტიპის შეკრებები იკრძალება.
საქართველოს პრემიერ-მინისტრ ირაკლი ღარიბაშვილის მიერ გუშინ ხელმოწერილი 359-ე დადგენილების მიხედვით, ცვლილებები შევიდა 322-ე დადგენილების მეოთხე მუხლში და მე-8 და მე-9 პუნქტები დაემატა.
„იკრძალება ბანაკის ტიპის შეკრებები, მათი ორგანიზაციული ფორმისა და ჩატარების ადგილის მიუხედავად.
18 წლამდე ასაკის მოზარდების სპორტული ტურნირებისა და სასწავლო-საწვრთნელი შეკრებების ჩატარება დასაშვებია მხოლოდ ყველა მონაწილის წინასწარი PCR ტესტირების საფუძველზე“, – წერია დადგენილებაში.
