საქართველოს საპატრიარქოსთვის დაფინანების შეწყვეტის მოთხოვნით პეტიცია ვრცელდება

52

საქართველოს საპატრიარქოსთვის დაფინანების შეწყვეტის მოთხოვნით პეტიცია ვრცელდება, ამ მომენტისთვის დოკუმენტს ხელს 4 577 ადამიანი აწერს. პეტიციის ავტორები ითხოვენ სახელმწიფომ საპატრიარქოს ხალხის მიერ გადახდილი გადასახადებით დაფინანსება შეუწყვიტოს.

„2021 წლის 5 ივლისს მომხდარ მასობრივ ძალადობას, რომელიც საპატრიარქოს ხელშეწყობით გაიმართა ტრაგიკული დასასრული აქვს, დაშავებულია 50-ზე მეტი ჟურნალისტი და გარდაცვლილია „ტელეკომპანია პირველის“ ოპერატორი ლექსო შაქარავა, რომელიც მიმდინარე მოვლენებს აშუქებდა.

ცნობილია რომ საპატრიარქო ბიუჯეტიდან ფინანსდება 25 მილიონით, ასევე ფლობს რამდენიმე ათეულ ბიზნესს, რომლებიც გათავისუფლებულები არიან სხვადასხვა გადასახადებისგან. აღმოჩნდა რომ საპარტიარქო რომელიც ჩვენი გადახდილი გადასახადებით ფინანსდება ჩვენს წინააღმდეგ განაწყობს რადიკალურად განყობილ მის მრევლს, რომლებიც სახიფათოები არიან ჩვენი და ჩვენი შვილებისთვის.

ჩვენ ხელის მომწერები მოვითხოვთ შეწყდეს საპატრიარქოს დაფინანსება ჩვენს მიერ გადახდილი გადასახადებით“, -ნათქვამია განცხადებაში.

პეტიციის ადრესატები პარლამენტი და მთავრობაა. სულ 10 000 ხელმოწერაა საჭირო.

შეგახსენებთ, რომ ჟურნალისტები, სამოქალაქო აქტივისტები და ოპოზიციური პარტიების წარმომადგენლები პარლამენტის წინ მას შემდეგ გამოვიდნენ, რაც “ტვ პირველის” ოპერატორი, ლექსო ლაშქარავა გარდაიცვალა, იგი 5 ივლისის აქციაზე მოძალადე ჯგუფებმა სასტიკად სცემეს.