საქსტასტის გამოკვლევის შედეგების მიხედვით, 2020 წელს საქართველოში წყალმომარაგებით საქმიანობას ახორციელებდა 25 საწარმო, რომელთა მიერ შინამეურნეობებისთვის მიწოდებული წყლის მოცულობამ 229.2 მლნ კუბური მეტრი შეადგინა, რაც 2.6%-ით აღემატება წინა წლის შესაბამის მაჩვენებელს. ამის შესახებ ბიზნეს მედია წერს.
სტატისტიკის ეროვნული სამსახურის მიერ გამოქვეყნებული ინფორმაციით, 2020 წლის 31 დეკემბრის მდგომარეობით, წყალმომარაგების სისტემაზე მიერთებული იყო 2.57 მილიონი ადამიანი (68.9 %), რაც 2.1%-ით აღემატება წინა წლის ანალოგიურ მაჩვენებელს.
„2020 წელს წყალარინების (კანალიზაციის) ქსელზე მიერთებული მოსახლეობის რიცხოვნობა წინა წელთან შედარებით 1.8 პროცენტით გაიზარდა და 1.87 მილიონი (50.1 %) შეადგინა, ხოლო ჩამდინარე წყლის გამწმენდ ნაგებობაზე მიერთებული მოსახლეობის რიცხოვნობა გაიზარდა 0.4%-ით და 1.36 მილიონი (მთლიანი მოსახლეობის 36.5 %) შეადგინა“, – ნათქვამია საქსტატის ინფორმაციაში.
