როგორც საოლქო საარჩევნო კომისიის, ასევე, საუბნო საარჩევნო კომისიის წევრად არ შეიძლება აირჩეს/დაინიშნოს პირი, თუ ის არის შესაბამის საარჩევნო კომისიაში აკრედიტებული როგორც პრესის და ან სხვა მასობრივი ინფორმაციის საშუალებების წარმომადგენელი.
პარლამენტის პრესსამსახურის ცნობით, ეს ცვლილება „საქართველოს საარჩევნო კოდექსი“ შევა, რომელიც იურიდიულ საკითხთა კომიტეტმა მეორე მოსმენით განიხილა.
ინიციატივა ცენტრალური საარჩევნო კომისიის წარმომადგენელს ეკუთვნის, რაც კანონპროექტის ერთ-ერთმა ინიციატორმა და მომხსენებელმა, განათლების და მეცნიერების კომიტეტის თავმჯდომარემ, შალვა პაპუაშვილმა გაიზიარა.
კანონის მოქმედი რედაქცია მსგავს შეზღუდვას დამკვირვებლებთან და საარჩევნო სუბიექტის წარმომადგენელებთან მიმართებაში ითვალისწინებს.
