ეს ჩემი, საკუთარი პარტიაა, მე ასე წარმომიდგენია და ეს დამოკიდებულება მაქვს, – ასე უპასუხა დედაქალაქის მერმა, კახა კალაძემ საქართველოს პირველი არხის გადაცემის, „თავისუფალი ხედვის“ წამყვანის შეკითხვას, არის თუ არა გამორიცხული, არჩევნებამდე „ქართულ ოცნებასთან“ მიმართებაში მისი პოლიტიკური პოზიცია შეიცვალოს.
„2011 წელი იყო, როდესაც ბიძინა ივანიშვილმა პოლიტიკაში შემოსვლასთან დაკავშირებით განაცხადი გააკეთა და რამდენიმე ხანში მეც გამოვეხმაურე ამ განცხადებას. იმიტომ, რომ სიტუაცია, რაც ქვეყანაში რეალურად ხდებოდა, მართლა არავის მოსწონდა. მე მივიღე ძალიან მნიშვნელოვანი გადაწყვეტილება – დავტოვე ჩემი საქმიანობა, რაშიც მთელი ცხოვრება მქონდა გატარებული, ეს საქმე, ფეხბურთი ძალიან მიყვარდა და მივიღე ძალიან რთული და მნიშვნელოვანი გადაწყვეტილება პოლიტიკაში შემოსვლასთან დაკავშირებით.
