ჯანდაცვის მინისტრ ეკატერინე ტიკარაძის ინფორმაციით, შემდეგი კვირიდან საქართველოში, დამატებით, ვაქცინაციის 78 ცენტრი გაიხსნება.
ამის შესახებ ჯანდაცვის მინისტრმა იმუნიზაციის საბჭოს სხდომის შემდეგ გამართულ პრეს-კონფერენციაზე განაცხადა.
„შემდეგი კვირიდან მნიშვნელოვნად გაფართოვდება ქსელი, სადაც ჩვენი მოქალაქეების ვაქცინაცია მოხდება, კერძოდ, 78 ცენტრი დაემატება. უკვე გადამზადებულია 100-ზე მეტი ჯგუფი და საერთო ჯამში, საქართველოში იქნება 178 ცენტრი, სადაც ვაქცინაციის პროცესი გაიმართება“, – განაცხადა მინისტრმა.
