“ევროპული საქართველოს” თბილისის მერობის კანდიდატი ელენე ხოშტარია მიიჩნევს, რომ პარკირების სისტემა საათობრივ დროზე უნდა იყოს მიბმული და მხოლოდ მიწისქვეშა საპარკინგე ადგილების მოწყობა 400 000 ავტომობილის საკითხს ვერ გადაჭრის:
“შეიძლება, ეს არც არის პოპულარული და მეუბნებოდნენ კიდეც, ნუ იტყვი წინასაარჩევნო კამპანიაშიო. სულ რომ წავაგო, მაინც ვიტყვი იმას, რაც მიმაჩნია, რომ სწორია. ჩვენ უნდა გადავიდეთ საათობრივ დროზე მიბმულ პარკირების ევროპულ სისტემაზე. როცა ფასი შენ გაძლევს საშუალებას, დაარეგულირო პარკირება, გეცოდინება, რომ შარდენზე თუ სხვა ადგილას გინდა მისვლა მანქანით, იქ გადაიხდი მეტს. ფასით რეგულირების გარეშე წარმოუდგენელია, რომ ჩვენ შევძლოთ [პარკირების რეგულირება], რაც არ უნდა ავაშენოთ, და ძალიან დიდი პოპულიზმია დღეს იმაზე საუბარი, რომ “სითი პარკთან” გავაუქმებ ხელშეკრულებას. რა თქმა უნდა, “სითი პარკი” იყო და არის კრახი. მაგრამ თავისთავად ხელშეკრულების გაუქმება არაფერს არ მოგვიტანს, ხედვა თუ არ გვაქვს. ფასით რეგულირების გარეშე პარკირების პრობლემას ნამდვილად ვერ მოვაგვარებთ”,- განაცხადა ხოშტარიამ WMI ACCESS-ის მიერ ორგანიზაებულ შეხვედრა-დისკუსიაზე, რომელიც თბილისის მერობის კანდიდატებთან იმართება.
სტატიის სრულად წასაკითხად გადადით ბმულზე
წყარო: ნეტგაზეთი
