მთის სტატუსის მქონე სკოლების მხარდასაჭერად განათლებისა და მეცნიერების სამინისტრო ახალ პროგრამას იწყებს. ტენდერი გამოცხადდა იმ ორგანიზაციის გამოსავლენად, რომელიც სკოლებს შეარჩევს და პროგრამის განხორციელებაში დაეხმარება.
კონკურსში მონაწილეობის შესაძლებლობა მთის სტატუსის მქონე იმ სკოლებს მიეცემათ, რომელთაც საბაზო-საშუალო საფეხურზე არანაკლებ 20 მოსწავლე ყავთ.
კომისია შეარჩევს არანაკლებ 30 სკოლას. სამინისტროს ცნობით, დღეს, მთის სტატუსით 500-ზე მეტი საჯარო სკოლა სარგებლობს, მათ შორის, 300-ზე მეტ სკოლაში, საბაზო-საშუალო საფეხურზე არანაკლებ 20 მოსწავლე ირიცხება.
განიხილება ნებისმიერი მიმართულების კონცეფცია. თუმცა, უპირატესობა მიენიჭება შემდეგი მიმართულებების ფარგლებში მომზადებულ კონცეფციებს/პროექტებს:
ზუსტი და საბუნებისმეტყველო მეცნიერებები;
ტექნოლოგიები;
სამოქალაქო განათლება;
ხელოვნება/შემოქმედებითი უნარების განვითარება;
სპორტი.
სასკოლო პროექტები ხელს უნდა უწყობდეს:
დასახული მიზნის მისაღწევად სხვადასხვა სფეროებში მოპოვებული ცოდნის ინტეგრირების უნარის გამომუშავებას;
მოსწავლეებში გუნდური მუშაობის ჩვევების გამომუშავებას;
კონკრეტული თემების შესახებ თეორიული და პრაქტიკული ცოდნის შეძენა და გაღრმავებას. ასევე გამოყენებული უნდა იყოს თანამედროვე მიდგომები და ტექნოლოგიები;
შეიცავდეს ინოვაციურ ელემენტებს;
მოსწავლეებს აძლევდეს თვითრეალიზაციის შესაძლებლობას;
ხელს უწყობდეს სასკოლო ცხოვრების გამრავალფეროვნებას და არაფორმალური განათლების გაძლიერებას;
შესრულებული სამუშაოს საჯაროდ წარმოდგენისა და დაცვის უნარის გამომუშავებას;
პროექტები შეიძლება იყოს კვლევითი, შემეცნებითი, გამოყენებითი ან შემოქმედებითი ხასიათის.
სკოლამ დაფინანსებული პროექტი უნდა განახორციელოს 2021 წლის 15 ნოემბრამდე;
პროექტის განხორციელების საშუალო ხანგრძლივობაა 3 თვე;
სკოლის მიერ განსახორციელებელი პროექტის პირდაპირ ბენეფიციარებს საბაზო და საშუალო საფეხურის მოსწავლეები უნდა წარმოადგენდნენ;
სკოლების მიერ მომზადებული პროექტების განხილვას და დაფინანსების საკითხების ორგანიზებას უზრუნველყოფს სამინისტრო.
წლის ბოლოს შემაჯამებელი ღონისძიება გაიმართება, (საჯარო პრეზენტაციები, გამოფენები და სხვა). ჟიურის შეფასების საფუძველზე გამოვლინდება 10 საუკეთესო სკოლა. ყველა მონაწილე მოსწავლეს და მასწავლებელს გადაეცემა მონაწილეობის სერტიფიკატი.
ღონისძიების ონლაინ ფორმატში ჩატარება განიხილება მხოლოდ გართულებული ეპიდვითარების ფონზე.
ვადები
I ეტაპი – ხელშეკრულების გაფორმებიდან 1 თვის ვადაში;
II ეტაპი- პირველი ეტაპის დასრულებიდან 1 თვის ვადაში;
III ეტაპი -უნდა დასრულდეს არაუგვიანეს 2021 წლის 25 დეკემბერს.
,,სკოლებში არაფორმალურ განათლებაზე ორიენტირებული პროექტების ეფექტურად განხორციელებისთვის, მნიშვნელოვანი წინაპირობაა სკოლის მოტივაცია, სკოლაში საბაზოსაშუალო საფეხურზე მოსწავლეთა საკმარისი რაოდენობა მრავალფეროვანი აქტივობების დასაგეგმად, შესაფერისი ადამიანური და ინფრასტრუქტურული რესურსების არსებობა.” – აღნიშნულია პროგრამის აღწერილობაში.
