ზუგდიდის მუნიციპალიტეტის ახალკახათის ადმინისტრაციულ ერთეულში ახალი ბიბლიოთეკა გაიხსნა. ინფორმაციას ზუგდიდის მუნიციპალიტეტი ავრცელებს.
ბიბლიოთეკის გახსნას ზუგდიდის მუნიციპალიტეტის გამგებელი ლაშა გოგია, ადგილობრივი თვითმმართველობის წარმომადგენლებთან ერთად დაესწრო.
ახალკახათის ბიბლიოთეკის წიგნადი ფონდი 1300-ით შეივსო, ხოლო გამგეობამ ბიბლიოთეკას საჩუქრად 100 წიგნი გადასცა.
2017 წელს ზუგდიდის მუნიციპალიტეტში 4 ახალი ბიბლიოთეკა გაიხსნა. ბიბლიოთეკებში წიგნადი ფონდი 8266 – ით შეივსო.
უახლოეს მომავალში ახალი ბიბლიოთეკების გახსნა ორულუში, რიყესა და დიდინეძში იგეგმება.