ახალციხეში ნაძვის ხის შესაძენად გამოცხადებულ ტენდერში გამარჯვებული კომპანია გამოვლინდა

60

წინა სტატია

ახალციხის მერიის მიერ ივლისში ნაძვის ხის შეძენის უზრუნველყოფაზე გამოცხადებულ ტენდერში კომპანია შპს „ჯეო კომფორტმა“ გაიმარჯვა. კოპმანია ნაძვის ხეს 31 211 ლარად შეიძენს. ამის შესახებ სამხრეთის კარიბჭე წერს. 

ამ ეტაპზე გამარჯვებულ კომპანაისთან ხელშეკრულების დადება მიმდინარეობს.

სატენდერო დოკუმენტების მიხედვით, მას უნდა ჰქონდეს ბუნებრივი, მწვანე ფერი; სიმაღლით არანაკლებ 15 მეტრი, აგებულებით კი ექვსი ფენა. ტოტები უნდა იყოს წყალგამძლე და ცეცხლგამძლე, თითოეული ტოტი არანაკლებ ორი სამაგრი წერტილით.

ტოტების სიგრძე: არანაკლებ 80სმ; დიამეტრი არანაკლებ 6.5მ. დაშორება ძირიდან ტოტებამდე არაუმეტეს 10სმ.

ნაძვის ხის მონტაჟი 2019 წლის პირველიდან 20 დეკემბრის ჩათვლით უნდა განხორციელდეს.

ზაფხულში, ახალწლამდე ექვსი თვით ადრე ნაძვის ხის შეძენის შესახებ, ახალციხის მერიაში თქვეს, რომ დიდი ზომის ნაძვის ხის ყიდვა ზაფხულში უფრო იაფი ჯდება, ვიდრე წინასაახალწლო პერიოდში.