კასპის მუნიციპალიტეტის მერიამ აფხაზეთის ომში დაღუპული პოლკოვნიკის ტარიელ შარიფაშვილის სახელობის სტიპენდია დააწესა.
მერიის ინფორმაციით, ყველა აკრედიტირებული უნივერსიტეტის სტუდენტებს, რომლებიც მაღალი აკადემიური მოსწრებით გამოირჩევიან (91 – 100 ქულა შეფასებით) დაენიშნებათ ტარიელ შარიფაშვილის სახელობის სტიპენდია.
“5 უმაღლესი შეფასების სტუდენტს პირველი სემესტრის შეჯამების შემდგომ, დაენიშნებათ 500 ლარი ყოველთვიური სტიპენდია 6 თვის განმავლობაში. ასევე, სტიპენდია დაენიშნებათ 5 საუკეთესო სტუდენტს მომდევნო სემესტრის შეფასებისას. ამასთან, ერთიანი ეროვნული გამოცდების შეფასებისას (ქართული ენა, უცხო ენა, ზოგადი უნარები, მათემატიკა და ისტორია) თითოეულ საგანში საუკეთესო სტუდენტს მუნიციპალიტეტის მერია გადასცემს ლეპტოპს, – განმარტავენ მერიაში.
