ქუთაისში, რიონისპირა სახლების პროექტის ფარგლებში, 41 სახლს რეაბილიტაცია ჩაუტარდება. პროექტი ტურისტულად მიმზიდველი გარემოს შექმნას ისახავს მიზნად.
მუნიციპალური განვითარების ფონდის მიერ გამოცხადებული ტენდერის თანახმად, პროექტირება პარალელურ რეჟიმში 3 ნაწილად იწარმოებს. პროექტის 1-ლი ნაწილი – მარჯვენა სანაპიროზე არსებული 17 სახლის, პროექტის მე-2 ნაწილი – მარცხენა სანაპიროზე არსებული 12 სახლის და პროექტის მე-3 ნაწილი – მარცხენა სანაპიროზე დარჩენილი 12 სახლის რეაბილიტაციას ითვალისწინებს.
ამასთან, პროექტის ფარგლებში მოეწყობა საფეხმავლო ბილიკები.
სამუშაოების დაწყება 2020 წლიდან იგეგმება.
