რა სჯობია, იყო მუნიციპალიტეტის მერი…

ლიზა სოფრომაძე – რეგიონის განვითარების ცენტრის გამგეობის თავმჯდომარე

თვითმმართველობა კომპლექსური მართვაა, ეს არის ტერიტორიის მართვა, ტერიტორიის განვითარება, რომელსაც უნდა მიაღწიო იმ კომპეტენციების განხორციელებით, რაც გაგაჩნია.

რა არის ეს კომპეტენციები?

თუმცა, სანამ ამის განხილვაზე გადავალ, მანამდე მინდა, განვიხილო სამინისტროები, ცენტრალური აღმასრულებელი ხელისუფლება!

ეკონომიკის სამინისტრო, განათლების სამინისტრო, სოფლის მეორნეობის სამინისტრო, ჯანდაცვის სამინისტრო, შინაგან საქმეთა სამინისტრო, იუსტიციის სამინისტრო და ა.შ. – თითოეულ მათგანს მინიმუმ ორი, ან მეტი დარგის მართვა აქვს ჩაბარებული. თუ ზუსტად მახსოვს, მაქსიმუმ, ოთხის. შესაბამისად, სამართავი დარგების რაოდენობა მეტ-ნაკლებად შეზღუდულია.

მინისტრს მოეთხოვება ამ დარგების ცოდნა, კომპეტენცია იმ საკითხებში, რასაც მართავს. და ეს კომპეტენციებიც, როგორც აღვნიშნე, ოთხს არ სცდება. თანაც, მათი მართვა მთელი ქვეყნის მასშტაბით ვრცელდება და რაიმე კონკრეტულ ტერიტორიას მიბმული არ არის. რა თქმა უნდა, სადღაც კარგი შედეგები აქვს და სადღაც – ისე რა, თუმცა, ცუდი შედეგის სიმწვავე დიდად თვალში საცემი არ არის, რადგან ერთგან ჩავარდნას მეორეგან უკეთესი მდგომარეობა ანეიტრალებს.

იყო თვითმმართველობის მერი, ეს ბევრად რთულია. აქ გევალება კონკრეტული ტერიტორიის განვითარება იმ კომპეტენციებით, რაც გაქვს და რომ დათვალო, აღმოჩნდება, რომ ძალიან ბევრი დარგია, რაზეც პასუხისმგებელი ხარ. ფაქტობრივად, თითქმის ყველა სამინისტროს მინისტრი ხარ ერთ ტერიტორიაზე და თან იქვე გყავს პატარა პარლამენტიც – საკრებულო, რომელიც სულ გაკონტროლებს და თვალყურს გადევნებს.

უნდა მართო კარგად და ეფექტიანად ინფრასქტრუქტურა, ძალიან კარგად უნდა ერკვეოდე სოციალურ საკითხებში, ჯანდაცვასა და გამწვანებაში, ასევე, განათლების საკითხების ექსპერტიც უნდა იყო, იქ ბაღების მართვაო, სკოლის გარეშე დაწესებულებებიო, ბიბლიოთეკები და სხვადასხვა საგანმანათლებლო პროექტიო… ასევე, კულტურის მნიშვნელობაც ძალიან კარგად უნდა გესმოდეს და კომპეტენტურად და ეფექტიანად ამ საკითხებსაც უნდა მართავდე. მოხუცები, სოციალურად დაუცველები, ახალგაზრდები, ჯანსაღი ცხოვრების წესი, ადგილობრივი სტატისტიკა – ესეც შენი საქმიანობის სფეროებია, ინვესტიციების მოზიდვის ხელოვანიც უნდა იყო და ადგილობრივი ეკონომიკური განვითარების გურუც. ამავე დროს, ყველა შენი გადაწყვეტილება გამჭვირვალე უნდა იყოს და თანამონაწილეობითი პროცესით მიღებული, ყველას აზრს უნდა მოუსმინო, შეაჯერო და მერე გადაწყვეტილებაც ძალიან სწრაფად უნდა მიიღო, იმიტომ, რომ დროულობა აუცილებელია ამ დროს (შენ ხომ კარგი მმართველობის მაგალითი უნდა იყო). თან ყველას უსმენ და თან ძალიან სწრაფად რეაგირებ ამ მუდმივი ცვლილებების გარემოში, ასწრებ კანონების ცლილებების შესწავლას, სხვადასხვა მეთოდოლოგიის გაცნობასა და დამუშავებას (რომელსაც უხვად და ულევად გაწვდიან ეს დაუზარელი ექსპერტები), მეთოდოლოგია ეფექტური კომუნიკაციისო, ანუ როგორ ილაპარაკო და როგორ უსმინო ყველას, მეთოდოლოგია ეფექტური დაგეგმვისო – როგორ დაგეგმო და ჩართო ამ პროცესში ყველა ის, ვისაც არ ეზარება და იმასაც უნდა მოანდომო მონაწილეობა, ვისაც ეზარება, ან საერთოდაც არ უნდა მონაწილეობა. მოკლედ, სულ მეცადინეობ, ყველას უსმენ და, ამავე დროს, სწრაფად და ეფექტიანად მართავ, თან სულ უნდა გახსოვდეს გენდერი და ინკლუზიური მართვა.

თან არ უნდა შეგეშალოს. ოი, თუ შეგეშალა, ოი, თუ წაგიცდა ფეხი, ოი, თუ ვინმეს არ მოუსმინე, რა ქოქოლა დაგეყრება!!! იცი, რომ ბევრი გაკვირდება, ბევრი მიკროსკოპით გიყურებს – საკრებულო, არასამთავრობოები, აკადემიური დაწესებულებები, უფლებების დამცველები, ექსპერტები – თუ ჩვენებურები, თუ უცხოები, ცენტრალური ხელისუფლება, აქტიური და პასიური მოქალაქეებიც, საერთაშორისო ორგანიზაციებიც და ბევრნი და ბევრნი!!!

ჰოდა, ხარ ამ სწავლა-მოსმენა-მართვაში და ფიქრობ, როგორ შეუთავსო ეს ყველაფერი ერთმანეთს, თან ყველას უსმინე, თან ყველას დაუჯერე და თან სწრაფად და ეფექტიანად იმოქმედე!

მოკლედ, დიდი გამოწვევაა, დიმიტრი გვინდა, ყიფიანი, რომელიც, როგორც მახსოვს, მე-19 საუკუნის ბოლოს მოკლეს, თუმცა, კი დაამშვენებდა ყველა მუნიციპალიტეტს მისი მერობა!

მსგავსი სიახლეები
წინა სტატია საქართველოს საკონსტიტუციო სასამართლომ საკრებულოს მიერ პირდაპირი წესით არჩეული მერის დაუსაბუთებლად გადაყენების საკანონმდებლო ნორმის
სომხეთის ცენტრალური სარჩევნო კომისიის წინასწარი მონაცემებით, ერევნის უხუცესთა (საქალაქო) საბჭოს რიგგარეშე არჩევნებში ბლოკმა „ჩემმა ნაბიჯმა“ გაიმარჯვა, ბლოკის
ქალაქი თილთ ქოვე კანადაში მდებარეობს. ქალაქში ჯერ კიდევ 1901 წელს 1,370 ადამიანი ცხოვრობდა, თუმცა, 1956 წლისთვის
უკრაინაში, ხარკოვის მუნიციპალურ შენობაში, დღეს ხმაური იყო. რადიკალური ჯგუფები ადმინისტრაციულ შენობაში შევარდნენ და იქ მიმდინარე
"ერთი დღე შუახევის მერად ‘’, - ასე ჰქვია პროექტს, რომელსაც შუახევის მუნიციპალიტეტის მერია იწყებს. შუახევის მუნიციპალიტეტის
ადიგენის მუნიციპალიტეტის მერიაში კონკურსანტებთან გასაუბრება მიმდინარეობს. სამი ახალი თანამშრომელი ათი კონკურსანტიდან უნდა შეარჩიონ. ინფორმაციას სამხრეთის
მარნეულის მერია თავის საქმიანობის შესახებ ინფორმაციის მედიაში გავრცელებისათვის 2018 წლის განმავლობაში ადგილობრივი ბიუჯეტიდან 72 000 ლარს
შემდეგი სტატია საქართველოს ახალგაზრდა იურისტთა ასოციაციამ საკონსტიტუციო სასამართლოში მუნიციპალიტეტის საკრებულოს ის უფლებამოსილება გაასაჩივრა, რომლითაც, არჩევნებიდან 6
ბათუმის მერი, ლაშა კომახიძე და აჭარის ტურიზმის დეპარტამენტის თავმჯდომარე, სულხან ღლონტი ბათუმის მერიაში სასტუმროების მენეჯერებს
თიანეთის მერი, თამაზ მეჭიაური მისი იმპიჩმენტის შესაძლებლობაზე საუბრობს. მისი თქმით,  ამას მოქმედი კანონმდებლობა ითვალისწინებს. ინფორმაციას  "ინტერპრესნიუსი" ავრცელებს. "ამ
ყოფილი პოლიტპატიმარი ზესტაფონის მერის იმპიჩმენტს ითხოვს. გიორგი გოგლიჩიძე კახაბერ მახათაძეს ელიტურ კორუფციაში ადანაშაულებს. ინფორმაციას kutaisipost.ge ავრცელებს.
სიღნაღის მერის ყოფილი თანაშემწე გენდერულ საკითხებში მაია სუხიშვილი მერს, გოგი გოგილაშვილს სასამართლოში უჩივის და სამსახურიდან
ბორჯომში, გოგიას ციხემდე მისასვლელი საფეხმავლო ბილიკი მოეწყო. ამის შესახებ ინფორმაციას ბორჯომის მუნიციპალიტეტის მერია ავრცელებს. ბორჯომის
ქალაქ ფოთის მუნიციპალიტეტის მერმა ირაკლი კაკულიამ პირადი განცხადების საფუძველზე თანამდებობა დატოვა. იგი ადგილობრივ არჩევნებში მონაწილეობს და
ბაღებში აღმზრდელების რაოდენობა საკმარისია, კვება მოგვარებულია და პრობლემა არის ის, რომ ბაღების რაოდენობა მცირეა, -
%d bloggers like this: