ოკუპანტებმა მასშტაბური წვრთნა დაიწყეს – დიდი ლიახვის ხეობაში მოწყობილი პოლიგონიდან სროლის ხმა ისმის

451

დიდი ლიახვის ხეობაში, რუსი ოკუპანტების მიერ მოწყობილი პოლიგონიდან სროლის ხმა ისმის – ოკუპანტები მასშტაბურ წვრთნას გადიან, საარტილერიო დანადგარების გამოყენების გამო კი ადგილობრივთა სახლები ზანზარებს. ინფორმაციას მთავარი არხი ავრცელებს.

“სროლის ხმა ძალიან ძლიერია, იმდენად, რომ სახლები ზანზარებს” – ამბობს დიდი ლიახვის ხეობის მკვიდრი.

სროლის ხმა ცხინვალთან ახლოს მდებარე ძარწემის პოლიგონიდან ისმის. სწორედ ეს პოლიგონია რუსი ოკუპანტების ძირითადი სასწავლო-სავარჯიშო ბაზა ცხინვალის რეგიონში.

ეს არ არის პირველი შემთხვევა, როცა ოკუპანტები წვრთნებსა და სწავლებებს ნიშანდობლივ თარიღებს ამთხვევენ – წვრთნები ტარდებოდა 2019 წელს როგორც 9 აპრილს, ასევე 26 მაისსაც.