17 თებერვლიდან ქუთაისში მგზავრებს კიდევ 15 ახალი, მუნიციპალური ავტობუსი მოემსახურება. ინფორმაციას ნიუპრესი ავრცელებს.
ქალაქის მერიის ინფორმაციით, #19 და #31 სვლა-გეზებზე 6-6 ახალი ავტობუსი იმოძრავებს, აქამდე არსებული მარშრუტების მიხედვით.
მცირეოდენი ცვლილებაა #5 სვლა-გეზის მარშრუტში: თაბუკაშვილის ქ.- ჭავჭავაძის ქ.- ასათიანის ქ. – ტაბიძის ქ. – რუთაველის გამზ.- ცენტრალური მოედანი- ფალიაშვილის ქ.-დუმბაძის ქ.- ასათიანის ქ.- ჭავჭავაძის ქ.- თაბუკაშვილის ქ. #5 სვლა-გეზზე 3 ახალი ავტობუსი იმუშავებს.
ქუთაისის სატრანსპორტო სქემაში მალე ყველა ახალი ავტობუსი ჩაერთვება.
