ვაკის პარკის ტერიტორიაზე ინვესტორს გიორგი ზაქაიძეს სასტუმრო “ბუდაპეშტის” მშენებლობა თბილისის მუნციპალური ინსპექციის წარმომადგენლებმა გააჩერებინეს.
როგორც გიორგი ზაქაიძემ ჟურნალისტებთან განაცხადა, თბილისის მერიას გადაწყვეტილების მისაღებად და მოსალაპარაკებლად ერთ დღეს აძლევს.
ამ ეტაპზემიმდებარე ტერიტორიიდან მძიმე ტექნიკა გაყვანილია.
ამასთან, როგორც თბილისის მერიაში განაცხადეს, ინვესტორს ვაკის პარკის ტერიტორიაზე სასტუმრო „ბუდაპეშტის“ მშენებლობის ნებართვა არ აქვს.
ცნობისთვის, თბილისის მერიამ ვაკის პარკის ტერიტორიის სრული რეაბილიტაცია-განახლება გადაწყვიტა. თბილისის მერი კახა კალაძე განმარტავს, რომ ვაკის პარკი დაიკეტება და ის განახლდება, თუმცა შეინარჩუნებს იმ კულტურული მემკვიდრეობის ძეგლებს, რაც იქ არის განთავსებული.
