ბათუმის ბულვარის დასაცავად საპროტესტო აქცია იმართება. ინფორმაციას on.ge ავრცელებს.
მოქალაქეები ბულვარში 16-სართულიანი სასტუმროს მშენებლობას აპროტესტებენ და გაცემული ნებართვის გაუქმებას ითხოვენ. ასევე, მოითხოვენ, ბულვარის განაშენიანების გეგმის დამტკიცებამდე შეჩერდეს ამ ტერიტორიაზე ნებისმიერ მშენებლობაზე ნებართვის გაცემა.
“არ დავთმობთ ბათუმის ბულვარს” — ეს პოსტერი მოქალაქეებს ბათუმის კოლონადებთან აქვთ გაშლილი, ქვაფენილზე კი პეტიციაზე ხელმომწერთა სიებია გაშლილი.
შეგახსენებთ, რომ ბათუმის ბულვარში ბალნეოლოგიურ-გამაჯანსაღებელი ცენტრის აშენება იგეგმება. საინვესტიციო პროექტს ქართული კომპანია ამბასადორი ახორციელებს.
