ახალგაზრდობის სააგენტომ გორის მუნიციპალიტეტში ახალგაზრდები გამოკითხა.
კვლევის შედეგად, სააგენტომ გააანალიზა გორელი ახალგაზრდების წინაშე მდგარი გამოწვევები, მუნიციპალიტეტის ახალგაზრდული პროგრამები, სერვისები და ა.შ
“გორის მუნიციპალიტეტში გამოკითხული ახალგაზრდების 50% ამბობს, რომ ქვეყანაში მიმდინარე პოლიტიკური პროცესებით არ არის ან საერთოდ არ არის დაინტერესებული. 43% კი ამბობს, რომ პოლიტიკური პროცესებით დაინტერესებულია” , – ვკითხულობთ კვლევაში.
გარდა ამისა, გამოკითხული ახალგაზრდების 35% ფიქრობს, რომ გორის მუნიციპალიტეტის პოლიტიკაში ახალგაზრდების ინტერესები გათვალისწინებული არ არის. 29%-მა არ იცის, რამდენად არის გათვალიწინებული, ხოლო რესპონდენტთა 36% ფიქრობს, რომ მათი ინტერესები გათვალიწინებულია.
დოკუმენტი, სადაც კვლევის საბოლოო შედეგებია მოცემული, 407 გვერდისგან შედგება.
