გორში ველობილიკების გაკეთების შემდეგ, იუსტიციის სახლის მიმდებარე ტერიტორიაზე მანქანების გაჩერება აიკრძალება. აღნიშნულ საკითხს საკრებულოს უახლოეს სხდომაზე განიხილავენ. ამის შესახებ რადიო მოზაიკა წერს.
“იუსტიციის სახლის სამხრეთ-დასავლეთით შემავალ გზაზე, აღმოსავლეთის მხრიდან, გზის ორივე მხარეს განთავსდება ამკრძალავი საგზაო ნიშანი „გაჩერება აკრძალულია“ , ხოლო დასავლეთის მხრიდან „შესვლა აკრძალულია” , ასევე 26 მაისის სანაპიროზე შპს „ნატვრისთვალი“-ს, კუთვნილი მიწის ნაკვეთის დასავლეთის შესასვლელთან „გაჩერება აკრძალულია”, – ვკითხულობთ განკარგულების პროექტში.
გორის მუნიციპალიტეტის მერიის ცნობით, უწყებამ საქართველოს შსს-ს საპატრულო პოლიციის დეპარტამენტის შიდა ქართლის მთავარი სამმართველოსთან ერთად შეისწავლა აღნიშნული საკითხი და მიზანშეწონილად მიიჩნია საგზაო ნიშნების განთავსება. საკითხს 11 დეკემბერს, საკრებულოს სხდომაზე განიხილავენ.
