გორის ზოოპარკის ბინადრებს დროებით თბილისში გადმოიყვანენ

73

გორის დასვენებისა და კულტურის პარკში “ახალბაღი” არსებული ზოოპარკის ბინადრებს, დროებით, თბილისში გადმოიყვანენ ინფორმაციას რადიო მოზაიკა ავრცელებს.

კეთილმოწყობის სააგენტოს ხელმძღვანელის ბაჩანა გვიანიშვილის განმარტებით, ცხოველებს და ფრინველებს “ახალბაღის” რეაბილიტაციის დაწყებამდე გადაიყვანენ.

“თბილისის ზოოპარკში გადავიყვანთ ყველა ცხოველს და ფრინველს, რომელიც “ახალბაღში” გვყავს. გამომდინარე იქიდან, რომ რეაბილიტაციის დაწყების თარიღი ჯერ ცნობილი არ არის, ჩვენც არ ვიცით როდის გადავიყვანთ. ყოველ შემთხვევაში ის გარკვეულია, რომ “ახალბაღის” რეაბილიტაციის დროს, ცხოველების და ფრინველების იქ ყოფნა აკრძალულია” , – განმარტა ბაჩანა გვიანიშვილმა.

გორის ზოოპარკში ერთი კავკასიური მურა დათვი, აფრიკული თხები, მელია, კავკასიური ტურა, იაპონური ქათმები, ფარშევანგი და სხვა ბინადრები არიან.