თბილისსა და იმერეთის რეგიონში ხვალიდან რესტორნები, ყველა გასართობი დაწესებულება 22:00 საათამდე იმუშავებს, – ამის შესახებ საქართველოს პრემიერმინისტრმა, გიორგი გახარიამ მთავრობის დღვანდელი სხდომის შემდეგ განაცხადა.
„თბილისსა და იმერეთში ხვალიდან რესტორნების და ყველა გასართობი დაწესებულების მუშაობა 22:00 საათიდან შეიზღუდება ეს მოგვცემს საშუალებას ვირუსის გავრცელება შევანელოთ“, – განაცხადა გახარიამ.
საქართველოში დღეს, 15 ოქტომბერს კორონავირუსის 919 ახალი შემთხვევა დაფიქსირდა, გამოჯანმრთელდა – 208, გარდაიცვალა – 4.
საქართველოში სულ 14 440 დადასტურებული შემთხვევაა, მათგან 7 367 უკვე გამოჯანმრთელდა, გარდაიცვალა — 113.
