ზემო იმერეთი-რაჭის დამაკავშირებელი 51 კმ-მდე ახალი გზა შენდება. ახალი დამაკავშირებელი გზის საშუალებით თბილისიდან ონში მგზავრობის დრო 1,5 სთ-ით შემცირდება და 6 სთ-ის ნაცვლად მგზავრობის დრო 4,5 სთ-ი იქნება. ინფორმაციას რეგიონული განვითარების და ინფრასტრუქტურის სამინიცტრო ავრცელებს.
პროექტი 7 მონაკვეთადაა დაყოფილი, ინტენსიური სამუშაოები 5 ლოტზე ერთდროულად მიმდინარეობს, ამ დროისათვის მიწის სამუშაოები და ხელოვნური ნაგებობების მოწყობა ხორციელდება.
ზემო იმერეთი-რაჭის გზის I ლოტის 3.5 კმ-იან მონაკვეთზე სამუშაოები დასრულებულია, დარჩენილ მე-7 ლოტზე სამუშაოების დაწყება და დასრულება დაგეგმილა 2021 წლისთვის.
გზის დიდი ნაწილი ფაქტობრივად დაუსახლებულ ტყიან ზონაში მდ. ხეორიას ხეობაში გადის და ზღვის დონიდან 1000-1500მ სიმაღლეზე მდებარეობს, არსებული გზა გრუნტოვანი იყო, პროექტის შესაბამისად კი გზის სრული რეაბილიტაცია მოხდება, ამ ეტაპზე გარკვეულ მონაკვეთებზე მიმდინარეობს ასფალტ-ბეტონის საფარი დაიგება.
გზა საჩხერიდან იწყება და გაივლის სოფლებზე: სარეკი, ქვემო ხევი, უზუნთა, შქმერი, ბოყვა, კვაშხიეთი, ზუდალი და საბოლოოდ გზა შეუერთდება ამბროლაური-ონის გზას, რომელიც ქ. ამბროლაურიდან დაშორებულია 20 კმ-ით, ხოლო ქ. ონიდან 5 კმ-ით.
პროექტი პროექტის სახელმწიფო ბიუჯეტის დაფინანსებით ხორციელდება, საერთო სავარაუდო ღირებულება 105 000 000 ლარს შეადგენს, გზის მშენებლობა-რეკონსტრუქციის დასრულება ეტაპობრივად 2021 წლისთვის არის დაგეგმილი.
