კალაძე: დღეს გალაკტიონ ტაბიძის განახლებული ბინა-მუზეუმი გაიხსნება

234

დედაქალაქის მერის, კახა კალაძის განცხადებით, დღეს გალაკტიონ ტაბიძის განახლებული ბინა-მუზეუმი გაიხსნება.

როგორც კალაძემ მთავრობის სხდომაზე განაცხადა, გალაკტიონის ბინა-მუზეუმში საერთაშორისო სტანდარტების შესაბამისი საგამოფენო-საგანმანათლებლო სივრცე მოეწყო.

„თბილისის მერიის მუზეუმების გაერთიანებამ ნიკოლოზ ბარათაშვილის სახლ-მუზეუმისა და კოტე და სოსო წერეთლების ბინა-მუზეუმის შემდეგ კიდევ ერთი მუზეუმის რეაბილიტაცია დაასრულა. ამჯერად დამთვალიერებელს გალაკტიონ ტაბიძის მემორიალური ბინა-მუზეუმი ელოდება. ყველა სამუშაო დასრულებულია. განახლებულია, თანამედროვე საერთაშორისო სტანდარტების შესაბამისი საგამოფენო-საგანმანათლებლო სივრცეა მოწყობილი. მუზეუმი დამთვარიელებელს დღეს, 16:00 საათიდან უკვე უმასპინძლებს.

დიდ ყურადღებას ვაქცევთ მუზეუმების რეაბილიტაციას, კულტურულ ღონისძებებს და არა მხოლოდ ინფრასტრუქტურული პროექტებით შემოვიფარგლებით, არამედ მნიშვნელოვანია, რომ ის ღირებული, რაც ქალაქს გააჩნია, აღვადგინოთ და გადავცეთ ჩვენს შვილებსა და შვილიშვილებს“,- განაცხადა კალაძემ.