გორის მუნიციპალიტეტის სოფელ ქვეშში საბავშვო ბაღის შენობის რეაბილიტაცია დასრულდა. გამყოფი ხაზის მიმდებარე სოფელში დღეს მის სანახავად აშშ-ს ელჩი, კელი დეგნანი იმყოფებოდა. ამის შესახებ შიდა ქართლის საინფორმაციო ცენტრი წერს.
თითქმის დანგრეული შენობის აღდგენა USAID-ის პროექტის “ზრდა” დახმარებით განხორციელდა.
“სამუშაოების დასრულების შემდეგ სააღმზრდელო დაწესებულებამ შეძლო კონტიგენტის გაზრდა. საბავშვო ბაღი გარდა ქვეშისა ემსახურება მეზობელ სოფელში, არცევში მცხოვრებ პატარებსაც,” – აღნიშნავენ გორის მერიაში.
ელჩთან ერთად ქვეშში იმყოფებოდნენ ადგილობრივი ხელისუფლებისა და USAID-ის პროექტის “ზრდა” წარმომადგენლები.
