ქუთაისის გარდა, გიდების აქცია-ფლეშმობი თბილისსა და ბათუმშიც გაიმართა

63

„ჩვენ ვარსებობთ ტურიზმით,“ – ამ დევიზით რიყის პარკში გიდების აქცია-ფლეშმობი გაიმართა.

აქციის მონაწილეებმა ფერადი ქოლგები მიიტანეს და ამ ფორმით გამოეხმაურნენ უნგრელი კოლეგების ფლეშმობს, რომლებიც ბუდაპეშტის ცენტრში შეიკრიბნენ და ტურიზმის სიმბოლური აქციით გამოცოცხლება გადაწყვიტეს.

რიყის პარკში შეკრებილები ამბობდნენ, რომ ქოლგა, მათი ერთ-ერთი მთავარი ატრიბუტია და სწორედ ფერადი ქოლგების საშუალებით უტურისტოდ დარჩენილ ქალაქს ხალისს შემატებენ.

გიდები რიყის პარკში თანამოქალაქელებისა და ქალაქის სტუმრების შეკრებას ელოდებიან, რის შემდგომაც მათთვის დედაქალაქში უფასო ტურს მოაწყობენ.

აქციის მონაწილეთა განცხადებით, ტურიზმის შეჩერებამ უამრავი პროფესიონალი და მათი ოჯახები გაურკვეველი ვადით დატოვა შემოსავლების გარეშე. გიდების თქმით, მათ ნაწილმა მიიღო უმუშევრად დარჩენილი თვითდასაქმებულისა და დაქირავებით დასაქმებულისთვის მთავრობის მიერ განსაზღვრული თანხა.

მსგავსი პერფორმანსი თბილისის გარდა ქუთაისსა და ბათუმშიც გაიმართა.