ტელეკომპანია “გურჯაანის” ეთერში გასულ ინტერვიუს, სადაც გურჯაანის მუნიციპალიტეტის ზედამხედველობის სამსახურის უფროსი ბაზრის გახსნაზე საუბრობდა, გურჯაანის აგრარული ბაზრის დირექცია გამოეხმაურა.
ლამარა აკოფაშვილის განცხადებით, ბაზარი იქამდე ვერ გაიხსნება, სანამ ქვედა ტერიტორიის რეაბილიტაციაც არ მოხდება, ამისათის კი ნებართვა გურჯაანის მუნიციპალიტეტის მერიამ უნდა გასცეს. თუმცა მათ ამ დრომდე არანაირი ნებართვა არ მიუღიათ და შესაბამისად სარეაბილიტაციო სამშაოებიც არ მიმდინარეობს. იმისათვის რომ ბაზარმა ფუნქციონირება დაიწყოს, აუცილებელია მას ჰქონდეს შესასვლელი და გასასვლელი, რეაბილიტირებული იყოს მთლიანი ტერიტორია.
