გორში, კომბინატის დასახლებაში სიჩქარის შემზღუდავი ექვსი ბარიერი დამონტაჟდება

60

გორში, კომბინატის დასახლებაში სიჩქარის შემზღუდავი ბარიერები, იგივე “ხელოვნური უსწორმასწორობები” დამონტაჟდება. შესაბამისი გადაწყვეტილება გორის მუნიციპალიტეტის საკრებულომ მიიღო. ამის შესახებ რადიო მოზაიკა წერს.

დამტკიცებული განკარგულების მიხედვით, “ხელოვნური უსწორმაწორობების” მოწყობა 3 ქუჩაზეა დაგეგმილი. კერძოდ:

მშვიდობის გამზირი №20 და №21 შორის;

მშვიდობის გამზირი №26 და №25-27 შორის;

შინდისის გმირების გამზირი №9-11 და №24 შორის;

ჩუბინიშვილის ქუჩა №26-ის მიმდებარედ;

ჩუბინიშვილის ქუჩა №20-ის მიმდებარედ;

ჩუბინიშვილის ქუჩა №22-ის მიმდებარედ.

“ხელოვნური უსწორმასწორობების” დამონტაჟების გარდა, საკრებულოს გადაწყვეტილებით, აღნიშნულ ადგილებზე ავტომობილებით გადაადგილების მაქსიმალური ნებადართული სიჩქარე 30 კმ/სთ იქნება.

როგორც განკარგულებაში ვკითხულობთ, აღნიშნული საგზაო ნიშნების დამატების მიზანი მოქალაქეთა უსაფრთხოების უზრუნველყოფაა.