მოსახლეობა “ანას ბაღის” მიმდებარე ტერიტორიაზე მოწყობილი სკვერის დანგრევას აპროტესტებს

163

წინა სტატია

მოსახლეობა „ანას ბაღის” მიმდებარე ტერიტორიაზე მოწყობილი სკვერის დანგრევას აპროტესტებს. ინფორმაციას ინტერპრესნიუსი ავრცელებს.

როგორც „ანას ბაღის“ მიმდებარე ტერიტორიაზე მცხოვრებლების ადვოკატმა მუხრან ღურწკაიამ განაცხადა, „ევროპული სამშენებლო ჰოლდინგის” წარმომადგენლებმა ამ ქმედებით კონკრეტული სისხლის სამართლის დანაშაული ჩაიდინეს.

მოსახლეობას, ასევე, შეუერთდნენ მოძრაობა ” შეცვალეს” აქტივისტებიც.

„ერთი საათის წინ ამ ადამიანებმა ჩაიდინეს კონკრეტული სისხლის სამართლის დანაშაული, რაც არის სხვისი ნივთის განზრახ განადგურება, რომელმაც მნიშვნელოვანი ზიანი გამოიწვია. თქვენ იცით, რომ მოსახლეობამ აქ გუშინ პარკი გააშენა. მივიდნენ კომპანიის თანამშრომლები და გაანადგურეს აბსოლუტურად ყველაფერი. თუ პარკის მშენებლობა იყო უკანონო, ამისთვის არსებობს ზედამხედველობის სამსახური, შესაბამისი მითითებები და ბრძანება და სამართლებრივი პროცედურა უნდა ჩატარდეს. კომპანიის თანამშრომელს რა უფლება აქვს, რომ გადაადგილოს სხვისი ნივთი და დაიწყოს მისი შემოღობვა. ამჟამად ეს შემოღობვაც უკანონოდ მიმდინარეობს და ამაზე რეაგირებას არავინ ახდენს. ჩვენ ამ საქმისთვის, რა თქმა უნდა, ბოლომდე ვიდავებთ, მაინც გაშენდება პარკი და ამ უკანონო მშენებლობის, კორპუსის აშენების საშუალებას არ მივცემთ ამ ადამიანებს”,- განაცხადა მუხრან ღურწკაიამ.