ქუთაისის მერიამ მდინარე რიონზე საფეხმავლო ხიდი თითქმის სამი წელია ვერ დააპროექტა. ამის შესახებ ქუთაისი პოსტი წერს.
2017 წლიდან ამ დრომდე ხიდის პროექტირებისთვის ტენდერი მესამედ გამოაცხადა. ეტაპობრივად გაიზარდა თანხის რაოდენობაც.
თუ პირველი ტენდერით მერია 30 000 ლარს იხდიდა, ახლა უკვე ხიდის დაპროექტებისთვის საჭირო თანხა 60 000 ლარამდე გაიზარდა.
ბოტანიკური ბაღიდან წმინდა გიორგის სახელობის ტაძრამდე საფეხმავლო ხიდის პროექტის შესასყიდად 30 000 ლარიანი ტენდერი NAT190021384) პირველად 2017 წლის 2 თებერვალს გამოაცხადდა, თუმცა, ხიდის დაპროექტების მრუსველი არ გამოჩნდა.
ამის შემდეგ მერიამ თანხის რაოდენობა 45 000 ლარამდე გაზარდა.
ამჯერად სამუშაოების შესრულებაზე პუსუხისმგებლობა შპს “სამართლებრივი ანალიზისა და ექსპერტიზის ცენტრმა” 35 444 ლარად აიღო, თუმცა, პროექტი თვითმართველობამ დაიწუნა.
შესყიდვების განყოფილების უფროსის მოადგილე, თიკო ბერიშვილი ამბობს, რომ გამარჯვებულ კომპანიის პროექტი მერიას არც კი ჩაუბარებია და არც შემსრუელბელს მიუღია ანაზღაურება.
ამის შემდეგ, მერიამ ტენდერი მესამედ და ისევ გაზრდილი თანხით, 60 000 ლარზე გამოაცხადა.
მიმდინარე წლის 11 ნოემბერს გამოცხადებულ სახელმწიფო შესყიდვაში წინადადების მიღება 19 ნოემბერს დაიწყება და 22 ნოემბერს დასრულდება.
მდინარე რიონზე საფეხმავლო ხიდით, ბოტანიკური ბაღი და წმინდა გიორგის სახელობის ტაძარს უნდა დაუკავშირდეს, რაც ქუთაისის ცენტრში ტურისტულ წრეს შეკრავს.
