“ერთიანმა ნაციონალურმა მოძრაობამ” გლდანის რაიონის მაჟორიტარი დეპუტატობის კადიდატები მიხეილ კაკაურიძე და გოჩა კოკაია დაასახელა.
როგორც ერთ-ერთმა კანდიდატმა მიხეილ კაკაურიძემ ჟურნალისტებთან საუბრისას აღნიშნა, ის საჯარო მოხელე იყო და გლდანის რაიონის პრობლემებს კარგად იცნობს.
“საჯარო მოხელე ვიყავი. ამ ხელუსუფლების მოსვლის შემდგომ, პოლიტიკური დევნის მსხვერპლი გავხდი”, – განაცხადა კაკაურიძემ. მისივე თქმით, ის გლდანის რაიონში არაერთ პროექტს ხელმძღვანელობდა. “დღეს გლდანის რაიონში ძალიან მძიმე მდგომარეობაა, როგორც სოციალური, ისე ინფრასტრუქტურის კუთხით”, – აღნიშნა კაკაურიძემ.
წყარო: ინტერპრესნიუსი
