ისნის რაიონის გამგეობამ, გრუნტის დამჭერი საყრდენი კედლის მოწყობა ორ მისამართზე დაასრულა. ორ მისამართზე კი, სამუშაოები, ამ ეტაპზე, მიმდინარეობს.
კერძოდ კი, გამგეობის ინფორმაციით, გზის სავალი ნაწილის უსაფრთხოების მიზნით, ვაზისუბნის III მიკრორაიონის I კვარტლის N2 კორპუსისა და ციხისძირის N 33-ის მიმდებარედ, საყრდენი კედლები მოეწყო.
“აღნიშნული სამუშაოების განხორციელების შედეგად, გზის საფუძველი გამაგრდა და ადგილობრივ მცხოვრებლებს უსაფრთხო საცხოვრებელი პირობები შეექმნათ. გარდა ამისა, მოსახლეობის თხოვნით, საყრდენი კედლების მოწყობა კიდევ ორ მისამართზე, საინგილოს N21-სა და მე-2 მელაანის N 16, N18-ის მიმდებარე ტერიტორიაზე მიმდინარეობს”, – განმარტავენ გამგეობაში.
გრუნტის დამჭერი საყრდენი კედლების მოწყობის სამუშაოებს ოთხ მისამართზე ისნის გამგეობის დაკვეთით, შპს “ლაგო“ და”ლუკა 2011“ ახორციელებს, რომელთა საერთო ღირებულება 154 021 ლარს შეადგენს.
